The continual Change.....

Hum Kahan se kahan aa jaate hain, kuchh saal pahle bas school jaana aur waapis aa kar garmi ke dino main , ya fir sardi ke dino main bhi... shaam hote hi cricket ka bat utha kar nikal jaana, us umar main zindagi ki sabe badi fight thi ki 50 run bana loon match main, shaivalik house ko school sports day matches main hara de humari team! Thode aur bade hue to thodi aur cheezon ki taraf dimaag dena pada, jaise, padhai, marks, maths in special... but cricket was always there... wo kuchh bhi ho jaaye har shaam ko to jaana hi tha, fir class 11th aaya, ajeeb cheezo main zindagi fas kar reh gayi, haan ajeeb hi kahoonga, kyoonki shayad unhi ajeeb cheezon main fasne ki wajah se hi aaj main kama raha hoon. anyways brilliant contact programs, coaching, board exams, ICSE ki English ki teen kitabein (shakespeare, Wuthering Heights and poetry).... aur in sab ke beech main cricket kahi kho gaya, mera woh cricket bat to be specific, I had a Symonds ka bat, pade pade kahi kho gaya..... fir kaafin dino ke baad mila ... in kaafi dino ke dauran main B.tech first year main pahunch chuka tha... aur fir to zindagi behtar hone ki jagah aur battar ho chuki thi, hum ghar par kuchh dino ke mehmaan rehte the, doston ke bhi kuchh ek jaise hi haal the, kabhi saath mil paaye to kabhi nahi.....

Waapis college aayo aur fir se kitaab utha lo, lab bhaago, resume banao... arre isi sab chakkar main third year aa gaya aur ab to summers ke liye apply karna shuru kar diya maine, mere paas aur bhi kam time hone laga... is baar to main chuttiyon main bhi ghar nahi gaya......sem break aaye ... kutte ki tarah kaam kiya summer interns main, kyoonki maloom the ki main ek slump year main passout hone ja raha hoon, naukri milna bahut bada kaam hai.....infact humara batch to 2000 Rs main bhi kahi bhi naukri karne ko tayar tha, kai logo ne to bina salary ke keval workex ke liye hi naukri kari thi.....

Final year aaya , cvampus se kahi bhi placement nahi hua, par ek josh tha, ya fir ek optimism tha, ki itni ghisai hai thodi aur ghisani padegi... ghisa lete hain, fir wahi bhulawa ...ek baar naukri milne ke baad sab kuchh theek fir bas office aur office ke baad masti! Naukri lagi, par man maafik nahi, par isme us samay zada kuchh kar bhi nahi sakte the, akhir naukri to lagi, khoob kaam kiya aur khoob kaam karke keval ye pata laga ki jab waapis ghar laut kar aate hain to koi masti ka time nahi bach paata, par kuchh kiya bhi to nahi ja sakta tha , khud hi to bali chadhe the is raste par, aur royen bhi to kis se... kis cheez ke liye?

Aur dost ab aalam ye hai ki zindagi bas office aur ghar ke beech main fas kar reh gayi hai , cricket, cycle saari masti class 10th ke baad mano ruk hi si gayi ho... kayi baar kuchh karne ke liye kaafi bade ho chuke hote hain, is wajah se nahi kar sakte. maano ek daud si lagi hai, aadmi zindagi bhar underpaid hi rehta hai, paisa kamana, paisa achha mil jaaye to work satisfaction nahi hai, wo bhi mil jaaye to office main politics hai, wo bhi na ho to office itni door hai ki traffic ki wajah se lag jaati hai....

Haan yehi hai change, ya kuchh log ise improvement bhi kehte hain, improvement bas itna hai ki ab main apne pasie se bat khareed sakta hoon, pahla papa se request karni padti thi....par pahle us bat se khelne ka samay tha, ab wo nahi hai.......

Song Today: Ye tera ghar ye mera ghar...
Film: Saath Saath